RCB સામેની મોટી મેચ પહેલા ચેન્નાઈ સુપર કિંગ્સને મોટો ઝટકો લાગ્યો છે. આ મેચ શુક્રવાર, 28 માર્ચે રમાશે, પરંતુ તેના એક દિવસ પહેલા, CSK ના મુખ્ય કોચ સ્ટીફન ફ્લેમિંગે ખુલાસો કર્યો છે કે મથિશા પથિરાના બેંગ્લુરુ સામેની મેચમાં રમશે નહીં.
મથિશા પથિરાના ટીમના મુખ્ય ફાસ્ટ બોલરોમાંના એક છે, તેને ગયા સિઝનમાં 6 મેચમાં 13 વિકેટ લીધી હતી. તમને જણાવી દઈએ કે પથિરાના અગાઉ મુંબઈ ઈન્ડિયન્સ સામેની મેચમાં પણ રમી શક્યો ન હતો.
હાલમાં, મથિશા પથિરાનાની ઈજાની ગંભીરતા અંગે કોઈ વધુ માહિતી ઉપલબ્ધ નથી. મીડિયા રિપોર્ટ મુજબ, પથિરાના હજુ પણ ઈજામાંથી સ્વસ્થ થઈ રહ્યો છે. તમને જણાવી દઈએ કે આ 22 વર્ષીય શ્રીલંકન બોલર 2022થી ચેન્નાઈ સુપર કિંગ્સ ટીમ સાથે સંકળાયેલો છે.
CSKની સમસ્યાઓ વધી
મથિશા પથિરાનાની પ્લેઈંગ ઈલેવનમાંથી ગેરહાજરી CSK માટે મોટી સમસ્યા ન હોઈ શકે કારણ કે ટીમની બેન્ચ સ્ટ્રેન્થ પણ ખૂબ જ મજબૂત છે. ચેન્નાઈના ફાસ્ટ બોલિંગ વિભાગમાં પહેલાથી જ ખલીલ અહેમદ, સેમ કરન, મુકેશ ચૌધરી, અંશુલ કંબોજ, કમલેશ નાગરકોટી અને ગુરજનપિત સિંહ છે. છેલ્લી મેચમાં, એટલે કે મુંબઈ ઈન્ડિયન્સ સામે, ખલીલ અહેમદે ઝડપી બોલિંગની જવાબદારી પોતાના ખભા પર લીધી અને કુલ ત્રણ વિકેટ લીધી.
કોણ છે મથિશા પથિરાના?
મથિશા પથિરાના વિશે વાત કરીએ તો, તે CSKના સૌથી પ્રભાવશાળી બોલરોમાંનો એક રહ્યો છે. તે યુવા ખેલાડી છે, ઉત્સાહથી ભરેલો છે, લસિથ મલિંગાને પોતાનો આદર્શ માને છે અને તેની એક્શન પણ તેના જેવી જ છે. અત્યાર સુધીમાં, તેને 20 IPL મેચોની કારકિર્દીમાં કુલ 34 વિકેટ લીધી છે. તેની બોલિંગ એવરેજ 17.41 છે, જે ખૂબ સારી માનવામાં આવે છે. તમને જણાવી દઈએ કે ચેન્નાઈ સુપર કિંગ્સ અને રોયલ ચેલેન્જર્સ બેંગ્લોરે IPL 2025 માં પોતાની પહેલી મેચ જીતી લીધી છે.
https://ift.tt/NZukLsz
from SANDESH | RSS https://ift.tt/eQtEvjn
via IFTTT
0 ટિપ્પણીઓ