BCCIના સેન્ટ્રલ કોન્ટ્રાક્ટમાંથી આ ખેલાડીઓને કરવામાં આવ્યા બહાર, જાણો કારણ

BCCIએ સેન્ટ્રલ કોન્ટ્રાક્ટ પર લાંબા સમયથી ચાલી રહેલા સસ્પેન્સનો અંત લાવ્યો છે. આ વખતે ઘણા ખેલાડીઓને પ્રમોશન મળ્યું છે, અને ઘણા યુવા ખેલાડીઓએ પણ ખૂબ સારો સમય પસાર કર્યો છે.

અભિષેક શર્મા, વરુણ ચક્રવર્તી, હર્ષિત રાણા, આકાશદીપને પહેલી વાર સેન્ટ્રલ કોન્ટ્રાક્ટમાં સામેલ કરવામાં આવ્યા છે. પરંતુ કેટલાક ખેલાડીઓ એવા છે જેમને સેન્ટ્રલ કોન્ટ્રાક્ટમાંથી બહાર કાઢવામાં આવ્યા છે. આમાં સૌથી મોટું નામ શાર્દુલ ઠાકુરનું છે. તમને જણાવી દઈએ કે BCCI એ કયા ખેલાડીઓ સામે મોટું પગલું ભર્યું છે.

શાર્દુલ ઠાકુર

આ વખતે બીસીસીઆઈના સેન્ટ્રલ કોન્ટ્રાક્ટમાં શાર્દુલ ઠાકુરનો સમાવેશ કરવામાં આવ્યો નથી. શાર્દુલ ઘણા સમયથી ટીમ ઈન્ડિયાની બહાર છે. ઓસ્ટ્રેલિયા સામે રમાયેલી બોર્ડર-ગાવસ્કર સિરીઝમાં પણ શાર્દુલને ટીમમાં સામેલ કરવામાં આવ્યો ન હતો. શાર્દુલ ઠાકુર ચેમ્પિયન્સ ટ્રોફીમાં પણ ટીમનો ભાગ નહોતો.

જીતેશ શર્મા

બીસીસીઆઈએ વિકેટકીપર બેટ્સમેન જીતેશ શર્મા સામે પણ મોટું પગલું લીધું છે. જીતેશને સેન્ટ્રલ કોન્ટ્રાક્ટમાં સામેલ કરવામાં આવ્યો નથી. જીતેશે ગયા વર્ષે જાન્યુઆરીમાં ટીમ ઈન્ડિયાની જર્સીમાં અફઘાનિસ્તાન સામે પોતાની છેલ્લી મેચ રમી હતી, જ્યાં તે ખાતું ખોલાવ્યા વિના પેવેલિયન પાછો ફર્યો હતો.

કે.એસ. ભારત

ટેસ્ટ ક્રિકેટમાં વિકેટકીપરની ભૂમિકા ભજવતા કેએસ ભરતને પણ બીસીસીઆઈએ આ વખતે સેન્ટ્રલ કોન્ટ્રાક્ટમાંથી બહાર નીકળવાનો રસ્તો બતાવ્યો છે. ભરતે ટીમ ઈન્ડિયા માટે પોતાની છેલ્લી મેચ 2 ફેબ્રુઆરી 2024ના રોજ ઈંગ્લેન્ડ સામે રમી હતી. આ ટેસ્ટ મેચની બંને ઈનિંગ્સમાં ભરત મોટો ફ્લોપ રહ્યો હતો.

આર અશ્વિન

આંતરરાષ્ટ્રીય ક્રિકેટમાંથી નિવૃત્તિ લેવાને કારણે અશ્વિનનું નામ સેન્ટ્રલ કોન્ટ્રાક્ટમાં પણ સામેલ નથી. ઓસ્ટ્રેલિયાની ધરતી પર રમાયેલી બોર્ડર-ગાવસ્કર સિરીઝ દરમિયાન અશ્વિને અચાનક નિવૃત્તિની જાહેરાત કરી દીધી.

આવેશ ખાન

આવેશ ખાનને પણ BCCIના સેન્ટ્રલ કોન્ટ્રાક્ટમાં સ્થાન આપવામાં આવ્યું નથી. આવેશ છેલ્લે નવેમ્બર 2024 માં ટીમ ઈન્ડિયાની જર્સીમાં જોવા મળ્યો હતો. દક્ષિણ આફ્રિકા સામે રમાયેલી સિરીઝમાં આવેશ બોલ સાથે કંઈ ખાસ કરી શક્યો ન હતો. તેને છેલ્લી ODI મેચ વર્ષ 2023 માં રમી હતી.

BCCI ના સેન્ટ્રલ કોન્ટ્રાક્ટનું લિસ્ટ

ગ્રેડ A+: રોહિત શર્મા, વિરાટ કોહલી, જસપ્રીત બુમરાહ, રવિન્દ્ર જાડેજા.

ગ્રેડ A: મોહમ્મદ સિરાજ, કેએલ રાહુલ, શુભમન ગિલ, હાર્દિક પંડ્યા, મોહમ્મદ શમી, રિષભ પંત.

ગ્રેડ B: સૂર્યકુમાર યાદવ, કુલદીપ યાદવ, અક્ષર પટેલ, યશસ્વી જયસ્વાલ, શ્રેયસ અય્યર.

ગ્રેડ C: રિંકુ સિંહ, તિલક વર્મા, રુતુરાજ ગાયકવાડ, શિવમ દુબે, રવિ બિશ્નોઈ, વોશિંગ્ટન સુંદર, મુકેશ કુમાર, સંજુ સેમસન, અર્શદીપ સિંહ, પ્રસીદ્ધ કૃષ્ણા, રજત પાટીદાર, ધ્રુવ જુરેલ, સરફરાઝ ખાન, નીતિશ કુમાર રેડ્ડી, ઈશાન કિશન, અભિષેક શર્મા, આકાશદીપ, વરુણ ચર્કવર્તી, હર્ષિત રાણા.

https://ift.tt/Z6EP5cA
from SANDESH | RSS https://ift.tt/CDJgEjl
via IFTTT