IPL 2025 વચ્ચે ઈંગ્લેન્ડ ક્રિકેટ ટીમે એક મોટી જાહેરાત કરી. તેના ઘણા ખેલાડીઓ IPLમાં રમી રહ્યા છે. આ દરમિયાન, ઈંગ્લેન્ડ ક્રિકેટ બોર્ડે નવા કેપ્ટનની જાહેરાત કરી દીધી છે. ચેમ્પિયન્સ ટ્રોફી 2025માંથી બહાર થયા બાદ જોસ બટલરે ODI અને T20 ફોર્મેટની કેપ્ટનશીપ છોડી દીધી હતી.
તેના સ્થાને હેરી બ્રુકને ટીમની કમાન સોંપવામાં આવી છે. બ્રુકે ઘણી વખત ઈંગ્લેન્ડ માટે શાનદાર પ્રદર્શન કર્યું છે. બટલરને જૂન 2022 માં ઈંગ્લેન્ડની કેપ્ટનશીપ મળી હતી. ઈયોન મોર્ગનના રાજીનામા બાદ તેને કમાન સંભાળી હતી. ઈંગ્લેન્ડે 2022 માં T20 વર્લ્ડકપ જીત્યો હતો.
આ પછી, ટીમ 2023 ના ODI વર્લ્ડકપ અને 2024 ના T20 વર્લ્ડકપમાં કંઈ ખાસ કરી શકી નહીં. 2025 ની ચેમ્પિયન્સ ટ્રોફીમાં પણ ઈંગ્લેન્ડનું પ્રદર્શન નિરાશાજનક રહ્યું હતું. ટીમ ગ્રુપ સ્ટેજમાંથી જ બહાર થઈ ગઈ હતી. આ પછી બટલરે રાજીનામું આપી દીધું. તે લગભગ 2 વર્ષ અને 8 મહિના સુધી ટીમનો કેપ્ટન રહ્યો.
હેરી બ્રુકને ઈંગ્લેન્ડની સોંપવામાં આવી કેપ્ટનશીપ
બ્રુકે ઈંગ્લેન્ડ માટે 44 T20 અને 26 વનડે મેચ રમી છે. આ સમય દરમિયાન તેને સારું પ્રદર્શન કર્યું છે. કેપ્ટન તરીકે નિયુક્તિ અંગે બ્રુકે કહ્યું કે "ઈંગ્લેન્ડ ક્રિકેટ ટીમનો કેપ્ટન બનવું મારા માટે સન્માનની વાત છે. હું નાનો હતો અને વ્હાર્ફેડેલમાં બર્લીમાં ક્રિકેટ રમતો હતો ત્યારથી, મેં યોર્કશાયરનું પ્રતિનિધિત્વ કરવાનું, ઈંગ્લેન્ડ માટે રમવાનું અને કદાચ એક દિવસ ટીમનું નેતૃત્વ કરવાનું સપનું જોયું હતું. હવે મને તે તક મળી છે. આ મારા માટે ઘણું મહત્વ ધરાવે છે."
હેરી બ્રુકનું શાનદાર પ્રદર્શન
બ્રુકે ઈંગ્લેન્ડ માટે 26 વનડે મેચમાં 816 રન બનાવ્યા છે. આ સમયગાળા દરમિયાન, તેને 1 સદી અને 5 અડધી સદી ફટકારી છે. બ્રુકે 44 T20 મેચોમાં 798 રન બનાવ્યા છે. તેને આ ફોર્મેટમાં 798 રન બનાવ્યા છે. બ્રુકે T20માં ઈંગ્લેન્ડ માટે ચાર અડધી સદી ફટકારી છે. તેને 24 ટેસ્ટ પણ રમી છે. આ સમયગાળા દરમિયાન, તેને 2281 રન બનાવ્યા છે.
https://ift.tt/gHRzJFK
from SANDESH | RSS https://ift.tt/jgrbLAl
via IFTTT
0 ટિપ્પણીઓ