જ્યારે પાકિસ્તાન ક્રિકેટ લીગ 2025 શરૂ થઈ હતી, ત્યારે તેની સરખામણી IPL સાથે કરવામાં આવી રહી હતી. પરંતુ થોડી જ મેચો પછી, PSL વિશેનું સત્ય બહાર આવ્યું છે. સત્ય એ છે કે સ્ટેડિયમ ખાલી છે અને ફેન્સ PSL મેચ જોવામાં કોઈ રસ દાખવી રહ્યા નથી.
અત્યાર સુધી ફક્ત 11 મેચ રમાઈ છે ત્યારે ટુર્નામેન્ટની આ હાલત છે. સોશિયલ મીડિયા પર પણ, ફેન્સ પાકિસ્તાન સુપર લીગની સરખામણી ઈન્ડિયન પ્રીમિયર લીગ સાથે કરવા બદલ ગુસ્સે થઈ રહ્યા છે. પરિસ્થિતિ એવી છે કે મેદાન પર ફેન્સની સંખ્યા બંને ટીમોના ખેલાડીઓ કરતાં ઓછી દેખાતી હતી.
PSL માટે એક મોટું અપમાન
જ્યારે પાકિસ્તાન સુપર લીગની 10મી સીઝન શરૂ થઈ ત્યારે તેની સરખામણી IPL સાથે કરવામાં આવી. કેટલાક ભૂતપૂર્વ પાકિસ્તાની ક્રિકેટરોએ કહ્યું કે પીએસએલ ઈન્ડિયન પ્રીમિયર લીગને સખત સ્પર્ધા આપશે. પરંતુ 11 મેચ પછી આ વાત અત્યાર સુધી સંપૂર્ણપણે વિપરીત રહી છે. પીએસએલ મેચો દરમિયાન મેદાન સંપૂર્ણપણે ખાલી હોય છે. ફેન્સ આ ટુર્નામેન્ટમાં કોઈ રસ દાખવી રહ્યા નથી. ફેન્સ સોશિયલ મીડિયા પર પાકિસ્તાન સુપર લીગની પણ જોરદાર ટીકા કરી રહ્યા છે.
તાજેતરમાં PSLનો એક વીડિયો પણ વાયરલ થયો હતો, જેમાં મેચમાં શાનદાર પ્રદર્શન કરનાર એક ખેલાડીને ડ્રેસિંગ રૂમમાં ભેટ તરીકે હેર ડ્રાયર આપવામાં આવ્યું હતું. આ પછી, PSL ને ઘણી ટીકાઓનો સામનો કરવો પડ્યો અને ફેન્સે IPL સાથે સરખામણી કરવા બદલ પાકિસ્તાન ક્રિકેટ બોર્ડની ટીકા કરી.
ઈસ્લામાબાદ યુનાઈટેડ ટોપ પર
શાદાબ ખાનની કેપ્ટનશીપ હેઠળ રમી રહેલી ઈસ્લામાબાદ યુનાઈટેડ ટીમે ટુર્નામેન્ટમાં શાનદાર પ્રદર્શન કર્યું છે. ટીમ હાલમાં પોઈન્ટ ટેબલમાં ટોપ પર છે. ઈસ્લામાબાદ અત્યાર સુધીમાં કુલ 4 મેચ રમ્યું છે અને ટીમે બધી મેચ જીતી છે. છેલ્લી મેચમાં ઈસ્લામાબાદે ડેવિડ વોર્નરની આગેવાની હેઠળના કરાચી કિંગ્સને 6 વિકેટે હરાવ્યું હતું. તમને જણાવી દઈએ કે ગયા સિઝનમાં ઈસ્લામાબાદે PSLનો ખિતાબ પણ જીત્યો હતો. ઈસ્લામાબાદે ફાઈનલમાં મુલ્તાન સુલ્તાન્સને 2 વિકેટે હરાવ્યું.
https://ift.tt/zKGsybX
from SANDESH | RSS https://ift.tt/BSLto0O
via IFTTT
0 ટિપ્પણીઓ